نوفيلا الجواز و سنينه بقلم بسمله عمارة كاملة

 اقتباس من نوفيلا الجواز و سنينه بقلم بسمله عمارة كاملة 

يلا بسم الله 

أغمضت عينيها بضيق مع سماعها لصوت والدتها يبتعد " مش عارفة هتفضلي ترفضي لغاية امتى انتِ خلاص داخلة على ٢٦ سنة  يا دوبك تلحقي تتجوزي علشان تخلفيلك حتة عيل قبل ال ٣٠ " 

زفرت انفاسها بقوة لتنظر امامها " عارفة المشكلة في ايه ان في ناس بتخلف و هي عندها ٤٠ سنة عادي و في اكتر كمان بس ست الكل شايفة ان اخرك ال ٣٠ ما يمكن اطلع مبخلفش اصلا " 

استغفرت بصوت مسموع فاتحة هاتفها على احدى مواقع التواصل الاجتماعي الجميع لديها اما يُجهز منزله للزواج او يحتفل بمولوده الاول ربما الثاني أيضاً.  لا تعلم هل هما المتعجلين ام هي من فاتها شيئاً .

تأملت الصور و الفيديوهات للحظة ب ابتسامة حالمة "مين قال اني مبتمناش حد يشاركني يومي او مش عايزة احس ان في حد بيفرق معاه وجودي "

تابعت تمرير الهاتف يبدوا الجميع سعيد من خلف الشاشات "اه نسيت محدش بيصور خيبته او يمكن هما فعلاً مبسوطين الله أعلم "

اغلقت هاتفها ب ابتسامة حزينة تشعر بفشلها في تكوين صداقات مستديمة تتخطى حاجز الزمالة سواء في العمل او الدراسة لكن في الوقت ذاته تشعر ان ذلك الافضل 

لا تحتاج لمزيد من الصدمات تحت شعار صداقة مزيفة او بير اسرار مخروم ك لسان والدتها عندما تحاكي خالتها عنها 

عندما تفتح الهاتف و تجد تلك الفيديوهات الهائلة لثنائيات عدة منها المشهور ك مشاهير مواقع التواصل الاجتماعي  و غيرها و منها ل اصدقاء جمعتهم بها علاقة زمالة في المدرسة او الجامعة و احياناً العمل 

تهاجمها رغبة قوية ل الارتباط ل ايجاد احدهم لكن اين و كيف ؟! تنهدت بقوة زافرة انفاسها " عارفة المشكلة في ايه بجد انه يا ابيض يا اسود و أنا خايفة اوي أنا نفسي احب و أتحب و اعمل فيديوهات زيهم و  اتجوز و اجيب بيبي كمان على فكرة بس مش عايزة اجيب بيبي يعاني طول عمره بسبب اختيار غلط من مامته فاهمة حاجة ؟!!" 

من تحادث تلك ؟!! لا احد هنا سوا الجدران الأربعة !!!

بقلمي/بسمله عمارة 

رأيكم ؟! 

استعدوا لنقاش نفسي واقعي من عدة وجهات نظر و دي كانت نبذة عن وجهة النظر الأولى 🫣

انتظروني في العيد ان شاء الله 🤌🏻🥹♥️